شعب جاهل .... اه والله جاهل ... يعني نسبة حوالي 95% من شعب مصر متعلمين واميين ميعرفوش حاجة عن المهندس المدني ... ونص معلوماتهم عنه مغلوطة ... يبقي جاهل ولا لا ...؟؟
هو مش جاهل عموما بس جاهل بينا نحن معشر المهندسين المدنيين :D
عشان محدش يزعل مني بس ... دايما احنا مظلومين كدة ...
بص بقي منك له
انا هرجع في كلامي لو عشرة من ال قروا البوست دة طلعوا كانوا عارفين الكلام ال هقولة النهاردة قبل مقولة ...
اتفقنا ..؟؟
مين المهندس المدني دة ... وبيعمل ايه في الدنيا ... ??
تقدر تقولي ...
اكيد هتقولي الراجل ال بيبني العمارات والفلل ... المقاول يعني من الاخر
بسسسسسسسسسسسسسس
شفت انت ظاااااااااااااااالم :@
مش هقول بقي شعارات ... احنا الحضارة وبناة المستقبل ... والكلام ال لا بيودي ولا بيجيب دة
بس احنا مش المقاولين ال بينفذوا ... زي مالاغلبية فاكرين
تعالوا كدة معايا لو ليكو شوق تعرفونا ...
أولا : المهندس المعماري بيصمم شكل المبني علي حسب الغرض منه ... وتخصصة محدود في المباني السكنية والادارية والتجارية والخدمية
وطبعا بيحدد مسارات الحركة في المبني ودراسات الرياح والاضاءة والدراسات السمعية وبيراعي كل النواحي في تصميم شكل المبني
طب المهندس المدني بيعمل ايه ...
المهندس المدني بقي بيعمل حجات كتير اوي ...
اولا العادي والمشهور وال اغلبية المهندسين المدنيين العاديين بيعملوه
تصميم المباني انشائيا بعد التصميم المعماري
يعني ايه ...؟؟
يعني بعد المعماري ميرسم الشكل ... يديه للمدني يقول الشكل دة هيتشال ازاي ... هنحتاج نحفر قد ايه في الارض ونعمل نظام الاساسات ازاي ويصممة ... ويختار نظام المبني كلة ... ويختار اماكن الاعمدة والكمرات ويصممها ... ويحدد سمك الاسقف والبلاطات وهنحتاج حديد تسليح قد ايه ... من غير الدخول في التفاصيل ... كمان المدني بيبقي متخصص اكتر في التنفيذ والاشراف علي العمال وعلي المقاول
عملية انشاء المبني المدني بيكون له فيها تلات ادوار اساسية
اولها التصميم ... ثانيا المراجعة "مهندس الحي" ... ثالثا الاشراف ... رابعا الاستلام " المهندس الاستشاري " ... كل دة شغل المهندس المدني
بس كدة ... هو دة شغل المهندس المدني ... ؟؟
اصبروا عليا انتوا لسة شفتوا حاجة ؟
دة كان الشغل العادي ... البسيط ...
تعالوا بقي للشغل العالي ... ال محدش يعرف عنه اي حاجة غيرنا احنا :p
المهندس المدني بيصمم الكباري ... والطرق ... واشارات المرور "تخيلوا !!!" والمواني ... والخزانات العلوية ... والخزانات الارضية ... وحمامات السباحة ... وبيحسب كميات الحفر وكميات الردم اللازمة لتنفيذ اي حاجة
المهندس المدني بيصمم المصانع وقواعد الماكينات
المهندس المدني بيصمم السدود القنوات والترع ومناوبات الري وتوزيع المياه علي الاراضي الزراعية ونظام صرف المياه وتحديد مناسيب المجاري المائية
المهندس المدني بيصمم شبكات المياه والصرف الصحي ومحطات الرفع وتحديد قدرة المضخات ال هيحتاجها
المهندس المدني بيصمم محطات تنقية المياه ومعالجة الصرف الصحي واحواض الترسيب
المهندس المدني بيصمم الانفاق تحت الارض وبيصمم المنشئات المعدنية سواء كانت كباري او سكك حديد او ابراج او حتي سلالم عبور المشاه
مظلومين احنا ... اي حد فاكر نفسة ممكن يعمل شغل فاكره شغل المهندس المدني ... ال هوا بناء البيت ويعك فيه اي حاجة وبعد شوية يقع علي نفوخة ... وهو لسة فاكر انة بيفهم
شغلنا اوسع من تخيل اي حد بكتير
المهندس المدني بيتعامل مع الكون كلة
وبيتعامل مع كل العلوم
لازم يبقي عندة ادراك بالطب والهندسة الميكانيكية والزراعه والعلوم .... الخ الخ
وسمعت كلام كتير ... المدني دة ملوش لازمة ... المدني دة ادبي هندسة ... دة اسهل قسم ... دول مش بيعملوا حاجة ....
من الاخر يا ولاد التيت انتوا ... شيلوا المهندس المدني من الدنيا ... تطربق علي نفوخكوا علطول :@
بطلوا هجص بقي ... من الاخر ... مفيش حد يستحق لقب مهندس مثل المهندس المدني
وال مش عاجبة ... يشرب من البحر ... من غير محطة مية تحلية ... او يدور علي حيطة خرسانة ميكونش مهندس مدني هو ال مصممها يخبط دماغة فيها ... او يروح يرمي نفسة من فوق كوبري ميكونش متصمم برضة من مهندس مدني ...
محمود أنور
هههههههه ياااااااه داحنا من غير المهندس المدنى مش نقدر نعيش
ردحذفربنا يخليكم لينا يارب ولا ننحرم منك ابدا داحنا من غيركم ولا حاجة P:
على فكرة بقى انا كنت عارفة بعض الكلام دا لان واحد قبل كده شرح لى الفرق بين المدنى والمعمارى بس مقتنعتش بصراحة ههههههه
بس كنت اول مرة اعرف انه بيعمل كبارى علوية وانفاق وحاجات زى كده
بس هقولك حاجة كل انسان مهم فى شغلته ومفيش شغل ولا وظيفة ملهاش لزوم يعنى مش المهندس ولا الدكتور هما بس اللى بيبنوا حضارة لا بينهم تتقدم دول ابسط وظيفة وابسط عامل بسيط ليه دور كبير علشان كده لازم كل واحد يحترم شغله ويتقنه
علفكره كل الكلام ده عارفاه
ردحذفلانك انت الى شرحتهولى مرات ومرات :d
متتحمقش اوى كده ومتزعلش نفسك
تحيا البشمهندزين المدنى:d :p
شفتي بقي مكنتيش تعرفي كل المعلومات
ردحذفيبقي مش هتتحسبي من العشرة :D
وبعدين انت تعتبري من العلماء علي معلوماتك دي علي الاقل لقيتي حد يشرحلك
انا طبعا معاكي في كلامك ومش بهاجم طبعا اي شغلانة تانية
انا بس بحاول انصف المهندسين المدنيين
لانهم مظلومين جدا في مصر
هههههههههههههههههههههه
ردحذفمرات ومرات ايه
هي مرة واحدة بس
ومفهمتنيش برضة :D
ya mahmoud ya anwaaar ya mezytnaaaa :D ana mwf2ak melyaaaaaaaaaaaaaar elmyah aslan zaman mknesh feh 3'er 2esm madany w f3laaan elhndasah hya f3lan elhandasyah elmadnyah w sebak b2a mn elhags w elklam elfare3' ely byt2al 3alena e7na akbeer mn enna nerood 3ala elashkal deh :D
ردحذفda7na ely 3'netlna nansy 3agram (lw s2altak enta madny te2oly eeeeh .. aywa madny w boya madny webn madny allah 3aleeeeeeeeh ) wala tedaye2 nafsak ya 3amona :D
هههههههههههههه
ردحذفدي اكيد بتغنيهالي انا يا الاء :D
تعيشي وتأيديني يا الاء :p
مين دا بس اللى قال عليكوا مهندسين ادبى والكلام الاهبل دا
ردحذفوانتوا تطولوا تكونوا ادبى اصلا:P:))))))
فعلا الكلام دا مكنتش عارفاه جاهله انا فى الموضوع دا
زى ما كل واحد جاهل فحاجات كتير
كويس انك شيرتلى التوبيك داهون
Like Basma :D
ردحذفU got IT
هومين فعلا اللي قال ان المهندس المدني ادبي هندسة ....
ردحذفمتعصبش نفسك يامحمود باشا
ردحذفوانا بصراحه كنت عارف كل المعلومات دى
( وده طبيعى ) بس بردو متستناش ان الناس كلها تفهم
وربنا معاك ياريس
انا كده هتحسب من العشره ......اشطه ؟
بعض الجهلاء
ردحذفايوة انت لازم تكون عارفها طبعا يابوحميد
ردحذفمنت في الكار
ماشي ياعم كدة بقو 3
فاضل سبعه :D
خلى بالك احنا لينا برضو ف اشارات المرور مش لوحدك :D
ردحذفانت مضحوك عليك يا عبدالله سيب الناس في حالها وكل اللي عنده معلومة يفرح بيها وخلاص
ردحذفاكيد طبعا يا توتو :D
ردحذفلا ياعم ... دي سمعه ... والواحد يحب يبقي ليه برستيج كدة قدام البشر دي
ردحذفههههههههههه حلو حلو
ردحذفبس أنا عارفة أنتوا مين يا هندسة ..
وشكلي هكمل مدني .. تقديرا ليكم ;)
حلوة اوي الجملة دي :
(من الاخر يا ولاد التيت انتوا ... شيلوا المهندس المدني من الدنيا ... تطربق علي نفوخكوا علطول :@)
ولحد اخر المقال ....
تيجي نعمل حملة لتقدير مهندسين مدني :))
يااااااااااااااااه
ردحذفواضح انك متأثر جدا
هديها كده وبلاش تسخنها .. الجهلة ميستهلوش انك توتر أعصابك عشانهم
وبعدين يعني مش لازم تخبط في حلل العمارة عشان تظهر مدى شرف وسمو الهندسة المدنية
عموما انا معاك في كل اللي قولته(( عن الهندسة المدنية))ـ
كلامك صحيح بس بقى ياريت تقول نظام الفلوس لأنى سمعت ان الجانب المادى مش كويس (معلش بقى لازم الفلوس برضه)
ردحذفبس طبعا قسم محترم
هههههههههههههه
ردحذفلا انت كمبيوتر بقي ان شاء الله يا ضحي
مدني قسم رجالي اكتر ... منصحش اي بنت انها تخش فيه
الا لو كانت حابة البهدلة
ربنا يوفقك ويقدملك ال فيه الخير
ههههههههههه
ردحذفانا مخبطتش في العمارة ولا جيت جنبهم يا محمد
هرد عليك بكلمة واحدة يا اشعار
ردحذفالرزق دة بتاع ربنا
بس مدني طول عمره من اكتر الاقسام طلبا في السوق مهما كانت الظروف
ودايما بتوع الاقسام التانية بيقولو مدني دول واكلينها والعه :D
احنا الحمد لله مش مظلومين ماديا خالص
احنا مظلومين اعلاميا
لكن من الناحية المادية متهيقلي ميت فل
والدنيا فرص برضة