السبت، 6 نوفمبر 2010

خلّي بالك ... تـفرق كتيـر


مبدئياً .. الكلام إللي هاقوله مابينطبقش على كل الناس

من العلاقات المختلفة إللي شوفتها وسمعتها من إللي حواليا
لاحظت حاجة مهمة جداً محدش بياخد باله منها إلا قليلين أوي

شكل العلاقة بياخد نمط معين ثابت مع أي إتنين بيفكروا يرتبطوا
لقيت : الإتنين بيتخانقوا خناقات هايفة ممكن توصل بيهم للإنفصال
الإنفصال هنا حل سليم مادام مفيش تفاهم
وفيه ناس بتخاف تنفصل عشان كلام الناس وغيره من الحجج دي
وبتفضل تعاني طول حياتها مع الطرف التاني
والمشاكل الصغيرة تتراكم وتكبر وتتعقد

المهم ده مش موضوعي..
موضوعي بقى إللي استنتجته إن الطرفين لما بييجو يرتبطوا
أياً كان شكل الإرتباط يعني
بيفكروا في حاجات سطحية ( الفستان والقاعة والمعازيم - هانعيش فين وهانقضي شهر العسل فين ... إلخ )
أو كلام الحب والشوق وأي حاجة معسولة من دي .. بتنسى الواحد ساعات انه يفكر في الأهم
كل ده حلو .. مش وحش وعايزينه وبيفرحنا وأوقات حلوة وكل حاجة
بس لما فكرت فيها شوية لقيت إن كل ده عايزينه بس

مقصودي : إننا لازم نفكر كويس جداً في الحاجات اللي إحنا محتاجينها وتناسبنا .. مش إللي عايزينها وخلاص
عشان مانرجعش نقول : لأ مش ده إللي كنت عايزاه / عايزه .. أنا كنت محتاجة / محتاج كذا وكذا
ونخلط الأمور ببعض ومن هنا تحصل التصادمات
ونتفاجئ بحاجات ماكناش آخدين بالنا منها قبل كده

يعني إللي سمعته كان عبارة عن : عايزين وعايزين وعايزين .. فـحياتهم إتقلبت لضغط نفسي وخناق
فــتخيلت لو كانت كلمة " محتاجين " موجودة بدل " عايزين " .. هايكون شكل العلاقة ماشي إزاي
أكيد هاتبقى كل الإختيارات سليمة و سلمية
و إن إختلفوا هايدوروا على إللي محتاجين يعملوه برضو عشان مايتطورش الخلاف

كل الرغي ده من الآخر بيتلخص في جلمة واحدة
" خد أو إعمل إللي إنت محتاجه فعلاً .. مش إللي إنت عايزه بس "



آلاء حلمي

هناك 7 تعليقات:

  1. اسماء عفيفي6 نوفمبر 2010 8:38 م

    الارتباط بشكل عام م لو عن حب فالحياه بتكون عايزين عايزين لان بتكون كلها عواطف وشعور عايز الشئ بتيجى اعتقد من الغريزة والعاطفه
    انما انا محتاج بتيجى من المنطق والعقل علشان كده بتلاقيها كتير بين المرتبطين عن عقل ومنطق
    بس الاجمل بقه لوو الانسان عمل الشئ ويكون عايزة وفنفس الوقت محتاجه يعنى يكون ناتج عن العقل والعطافه اعتقد هيكون امتع بكتير اوى

    ردحذف
  2. اسماء عفيفي6 نوفمبر 2010 8:51 م

    لارتباط بشكل عام م لو عن حب فالحياه بتكون عايزين عايزين لان بتكون كلها عواطف وشعور عايز الشئ بتيجى اعتقد من الغريزة والعاطفه
    انما انا محتاج بتيجى من المنطق والعقل علشان كده بتلاقيها كتير بين المرتبطين عن عقل ومنطق
    بس الاجمل بقه لوو الانسان عمل الشئ ويكون عايزة وفنفس الوقت محتاجه يعنى يكون ناتج عن العقل والعطافه اعتقد هيكون امتع بكتير اوى

    ردحذف
  3. تعرفي يا الاء

    المشكلة الحقيقية في الموازنة بين الاتنين

    ازاي توفق العقل مع القلب في نفس ذات الشخص ولنفس ذات الهدف

    حاجة صعبة اوي

    اسالي مجرب :(

    ردحذف
  4. المشكله فعلا انهم مبيحددوش هما عايزين ايه من الاول
    ده ممكن تلاقيهم مش عايزين يرتبطوا ببعض اصلا وبيئاوحو

    ردحذف
  5. وساعات كمان طرف لقى الطرف التاني بيحبه
    فيقول يلا أهو أحسن من مفيش
    وهو مش فاهم ان ده غلط جداً

    وطرف بيحب طرف من غير مايقول
    ومتوقع بل ومتأكد إن الطرف التاني بيبادله نفس الشعور
    ومكسوف يقول برضو

    ده احنا ناس غريبة والله
    بنفسر حاجات بمزاجنا
    وبندور على سطحيات الأمور
    ومابتخبطش ف الحيط إلا بعد فوات الآوان

    ردحذف
  6. المشكلة ان اللى بيرتبط بيفكر انه لا فيه قبله ولا بعده وبيحللللللم ويعيييش وفى الاخر ياخد على قفاه لما يبص للى فى ايديه ويقارنه باللى حواليه

    ياسلام لو كان فيه نضج عاطفى وعقلانية شوية .. مكنش زمان اسامة منير شغال دلوقتى :))

    تسلم ايدك يا ست آلاء

    ردحذف