الثلاثاء، 10 أغسطس 2010

حبـــة تفـــاؤل



الحكايه ومافيها
بتمر علينا في حياتنا شوية أزمات وظروف صعبه
بتخلينا نكره العيشه باللي فيها
وساعات بتوصل مع ناس انهم يفكروا في الإنتحار
طبعاً ماقدرش ألوم حد بيمر بالكلام ده لإن محدش يعرف إللي قدامه احساسه عامل ازاي وقتها
المهم .. ليه مانغيرش النظره السوداويه دي شويه
ونحط الألوان إل احنا بنحبها وعلى طريقتنا
وبالتدريج الحكايه هاتبقى زي الفل ان شاء الله
أنا معاكو فإن وقتها بتبقى نفسكو مسدوده عن أي حاجه .. ودي طاقه سلبيه
بتأثر بالسلب علينا وبتخلينا نكتئب
بس ليه مانحولش الطاقه السلبيه دي لطاقه ايجابيه نستفيد بيها
ندور على هوايه بنحبها ونعملها
أي رياضه .. أي فن .. أي نشاط .. المهم تكون حاجه بنحبها
ونبدأ نفجر طاقتنا السلبيه فيها بدل مانقعد ناكل في نفسنا ونتخنق ونكتئب

هانروح بعيد ليه .. أنا مثلاً واحده من الناس إللي بتمر بأزمات مش حلوه
كنت الآول مابقدرش أقاوم أي خنقه وكنت بتأثر بسرعه وأقفل على نفسي
بس لقيت ان الموضوع ده مالوش أدنى لازمه
وإن مفيش حاجه تستاهل
ومادام لسه حواليا ناس بتحبني وبحبهم يبقى الحياه حلوه جداً
ولقيت نفسي بمسك القلم والاسكتش وبرسم
وخلال الكام يوم إللي الطاقه السلبيه أثرت عليا فيها وحولتها لإيجابيه
قدرت أطور من رسمي ف حته ماكنتش بعرف أعملها أبداً في حالاتي العاديه
إللي عايزه أوصله ليكو .. إن كل الحكايه متلخصه في إزاي نتعامل مع نفسنا
وإزاي نسيطر عليها ومانسيبهاش هي إللي تسوقنا لحاجات مش كويسه وهاتضرنا
كلنا لازم نغسل نفسنا من الحاجات إللي مالهاش لازمه في حياتنا
بشوية تفاؤل وشوية حب ليها .. ونفهم إحنا عايزين إيه بالظبط
لإن كل حاجه في حياتنا إختيارات إحنا إللي بنحددها



ألاء حلمي

هناك 12 تعليقًا:

  1. افنان ماهر10 أغسطس 2010 11:37 م

    البوست دا جه في وقته بالظبط .. شكرا يا الاء

    ردحذف
  2. أنا لقيت كل إللي حواليا ظروفهم مش ولابد
    قولت أضربها شوية تفاؤل تهدي الجو

    منوره :)

    ردحذف
  3. اخيرا يا لولو!!!
    الحمد لله انك رجعتى لنفسك تانى اخيرا!
    بس مش هتشرفينى برسمة كدا وانتى فحالتك الجديدة دى ولا ايه:)))

    ردحذف
  4. تغيير بقى..
    ده الواحد كان هايفطس

    ماتقلقيش...
    الرسم شغال مش هايقف

    ردحذف
  5. اوووووووووووووعي تنسييييييييني انا بقولك اهوو

    وبصراحة ولو ان شهادتي مجروحة

    البوست جميل اوي يا الاء

    وبجد كان مفاجأة ليا انا شخصيا

    كنت متوقع منك كورس نكد كالعادة

    :D

    برافو عليكي

    ردحذف
  6. الاء نيو لوك

    ردحذف
  7. لا انساه النكد ده بقى يامحمود
    وداعاً لآي حاجه تنكد علينا
    وداعاً لآي حاجه تزهقنا

    نفس عميق لجوا بقى .. وارمي الزعل
    خلينا نشوف الدنيا بقى من منظور مبهج شويه
    منوره يامروتي
    ;)

    ردحذف
  8. الكلام جميل جدا

    بس تفتكرى انتى بتطبقيه فعلا؟؟؟؟

    ردحذف
  9. وجون وجووووووووون وجوووووووووووووووووووون

    أيون هو ده فعلا الطاقة السلبية دى ممكن نحولها لحاجات إيجابية كتيرة قوى وممكن ساعتها مانكونش حاسين باللى بنعمله بس بعد ما هنفوق هنعرف أنها كانت حاجات كويسة جداااااااااااا

    وفعلا الاكتئاب والعياط والزعل عمرهم ما بيرجعوا حاجة المهم أننا نلاقى نفسنا ونشغلها صح
    :))

    ردحذف
  10. أولا : مين غير معروف يقول التاني ده ؟؟
    ثانيا : أعتقد إني وضحت نقطة "بتطبيقه فعلا" دي في كلامي




    بالظبط يابسبوسه
    وظفي نفسك كويس

    :)

    ردحذف
  11. حلو البوست ده اوى يا لؤلؤه

    وحلو التفائل ده اللى مالى موضوعك


    وكلامك كلو صح ميه ميه تسلمى يا غاليه

    ردحذف