الأحد، 15 أغسطس 2010

ارحمـــــــونـــــا !!


رمضان بدأ ... وعدا منة خمس ايام كمان ... وانا لغاية دلوقت قاعد متقوقع في البيت 
... اولا : احترازا من الشمس والعطش الشديد ...
ثانيا : نتيجة الام في البطن معرفش سببها ايه ...
ثالثا ودة الاهم : حفاظا علي صيامي ... معرفش البنات بيجرالها ايه في رمضان ... زي ميكونو مستنيين الشهر عشان يبوظو صيامنا ... هما صحيح مش عاتقينا في رمضان ولا غيرة ...بس الاستفزاز بيبقي علي عينه في نهار رمضان ... تلاقي الالوان الفاقعة كلها ظهرت والمحزق والملزق واللي فوق الركبة واللي تحت الوسط وحجات غريبة عجيبة ... الأغرب ان النسبة بتزيد مش بتقل مع ان المفروض ان شهر رمضان دة شهر الطاعات واللي بيعمل معصية عموما بييجي في الشهر دة ويلم نفسة ...لكن ال بيحصل العكس ... والاستفزاز لينا احنا الشباب الغلبان بيحصل جهارا نهارا في عز الصيام ... طب حد يقولي انا ذنبي ايه لما احبس نفسي في البيت كدة ... شاب غلبان قدامة بتاع 150 سنة علي ميكون نفسة ويبقي قادر علي الزواج ومصاريف المعيشة يشوف المناظر العجيبة دي في رمضان او غيرة ... ومش كفاية الكبت اللي هو عايش فيه ... تحس ان البنات جيين علي الجرح وعمالين يدوسو ... سواء بلبس او بتصرفات او بغيرة ... والواحد دلوقت عشان يغض بصرة في الشارع هيمشي مغمض ... او يعمل زيي ويتقوقع في البيت احسن :$ ... طلب بسيط من القلة القليلة المستفزة من البنات :D

ارررررحمووووووووووووووونا :@

انا عارف ان احتمال اتضرب النهاردة :D
كل سنة وانتو طيبين ... رمضان كريم :)

محمود أنور

هناك 39 تعليقًا:

  1. أحاسيس آيوشة15 أغسطس 2010 2:28 م

    هههههه هما مش بيزيدوا فى رمضان ولا حاجة انتم بس اللى ضميركم بيصحى فى رمضان علشان كده بتاخدوا بالكم منهم جامد :))
    ربنا يهدى الجميع ياااااارب

    ردحذف
  2. هههههههههههههههه

    لا بيزيدو والله يا ايه

    وحتي لو مش بيزيدو من باب اولي يلمو نفسهم العملية مش نقصاهم اصلا :@

    ردحذف
  3. لالا مفيش ضرب يا محمود
    معاك حق والله
    ميه ميه

    ردحذف
  4. هههههههههههههههه

    ايوة كدة :D

    ردحذف
  5. الله عليك يا حودة جيت عالجرح :D

    انا من ساعة ما رمضان بدأ ماكنتش بخرج

    النهاردة خرجت وياريتنى ما خرجت

    رجعت مش عارف ياترى هعمل اى ف الايام الجاية وخاصة انى هخرج كل يوم

    تفتكر هقدر اكمل :D

    ردحذف
  6. بص يا محمود انا لاحظت ان مفيش حد حاول يخللى لبسه احسن..زى ماهما مفيش اى حاجة اتغيرت خالص!
    بس بصراحة ماشوفتش انا اللى الموضوع بيبوظ اكتر معاهم دول
    بس عرفت منين يا عفريت ان النسبة زادت مدام متقوقع وبتغض من بصرك؟!
    عارف بقه انا شوفت ايه
    شوفت رجالة وشباب معندهمش دممممممم بيعاكسوا وبيقلوا ادبهم فنهار رمضان
    البجاحة مش مقتصرة على البنات بس يا سيدنا:D

    ردحذف
  7. والله يا محمود أنا فعلا مش عارفة فيه ايه وأنا اللى بنت كتير قوى بتستفزنى طريقة لبس بنات كتيرة ومش عارفة بجد هيا ايه وجهه نظرهم فى كده

    انت معاك حق فعلا فى كلامك بس فعلا مش عارفة الحل ايه

    ردحذف
  8. ههههههههههههههههههههههههههههههههه فعلا البنات بقت بستهبل جامد بس اذا كان العيب ف اللبس فكمان ميكنش الشاب عينة مكشوفة

    ردحذف
  9. وأنا بضم صوتي لصوتك وبقول:
    ارحموووووووونا سوئتوا صورة المحجبااااااات

    ردحذف
  10. بسمة ... هما يا ريتهم محاولوش بس يخلو لبسهم احسن ... هو تحسي انهم بيزدادوا سوء في رمضان ... ايه الحكمة معرفش
    وبعدين يا بسمة هو انا هغض بصري ازاي من غير مشوف
    يعني غض البصر دة الخطوة التانية بعد النظرة الاولي
    فاكيد لازم اعرف يعني
    صحيح انا منزلتش الشارع لغاية دلوقت في رمضان دة
    بس انا بتكلم عن تجربة سابقة من اشهر رمضان ال فاتت
    والكلام مش للبنات بس اكيد للشباب كمان ... بس الشباب مش بحس انهم بيتعمدو يعاكسو في نهار رمضان ... يعني ال بيعاكس بيعاكس وفي منهم ال بيلم نفسة في رمضان
    المعاكسة دي ليها قعدة تانية ان شاء الله

    بسمة عبد الباسط
    انا كمان نفسي اعرف والله ... يا ريت لو عرفتي تقوليلي

    اسراء ... في ال بيغض بصرة وفي ال بيضعف ويبص ... واحنا بنقول ارحمونا ... متحطوش البنزين جنب النار وترجعو تقولو بنتعاكس وتحرش جنسي وكل البلاوي ال احنا عايشين فيها ...


    شكرا يا ضحي يا رب صوتك يتسمع

    ردحذف
  11. منه لله وزير الكهربا و الطاقه عمال يقطع النور على البشر و مبقوش عارفين هما بيلبسوا ايه
    و ربنا ياخد السبب اللى مخلى الشباب زى الرز فى الشوارع

    و ربنا يخلى ابوتريكه D:

    ردحذف
  12. لاحظ ان كلامك جارح
    :(

    Hadeer Pen

    ردحذف
  13. yoooooooooooh 3ala elmawdoooo3 ely mabn5lash menooo dah kooool 7agah yedabesoha fe elbnaaat ... ana shyfah aw ra2y zay ma Ayaa bet2ol en el7kyah mesh betzeed wala 7agah hya el7kyah enaaak f3lan enta ely damerak by3la fe ramdan fa bet7ees en elbnat meafwareeen w b3deeen lw kanet elbnat bet5aly elwelad yata2aw2a3o fe elbeeet besabab ellebs fa ana ba2ol mn mw23ey haza yaret elbnat te avwar w te avwar fe elbsha 5alena ne5fyyy koool elwelad :P:D

    ردحذف
  14. ايه يا حودة انت كنت بترد علي موضوع تاني ولا ايه :d

    فكرك يعني الناس دي فعلا مش عارفة هما بيلبسو ايه !!

    ردحذف
  15. ههههههههههه جارح ليه ياهدير
    محستش يعني انك من القلة القليلة المستفزة ال بتقكلم عنها

    ردحذف
  16. ههههههههههههههههههه

    مهو مش كل الشباب زيي بيتقوقعو
    وبعدين انا نازل بكرة ان شاء الله المكتب وجي علي قلبك ياختي مش هتقوقع علطول يعني
    الباقي بقي بيعاكسو البنات وبيتحرشو بيهم وبيطعلو عين اهاليهم
    فليه يعني
    وبعدين انا رايي انهم بيزيدو فعلا لان انا عن نفسي ضميري صاحي رمضان او غيرة
    علي قللللللللللللللللبك يا الاء :P

    ردحذف
  17. AloOOoooOOo2A MAHER15 أغسطس 2010 10:16 م

    leeeeeeeeeh bs hatnzeeeel ya mahmoud mat5aleeeeeeeeeeeek mota2aw2eee3 ya BABA 3ayza a2ooolaaak elgaw 7ar 7ar 7ar elbeeeeeeeeeeeeeeeet 7elw :D:D:D

    ردحذف
  18. ههههههههههههههه
    والله علي عيني
    بس كفاية استهبال بقي
    صحيح بطني لسة وجعاني بس هحاول انزل بكرة ان شاءالله

    ردحذف
  19. Ezaaaa kan keda ra2yaaaak fana motarah a2oool en elmktaaab hayzalem oHhhh 2asdy haynwar :P :D:D

    ردحذف
  20. ربنا يهدى الجميع

    ردحذف
  21. ههههههههههههههه

    طبعا هينور بابو انور يا الاء :p

    يارب يا غير معرف انت :D

    ردحذف
  22. ده اكيد حتضرب انهارده فعلا
    ومنى اولهم :)

    ردحذف
  23. ههههههههههههههههه

    انت مين طيب ؟

    ردحذف
  24. مش حقول ده بعينك وكمان مالوش لزمه انه تعرف طالما مش حدخل تانى علشان اريحك :(

    ردحذف
  25. انتم شباب غلبان ده لو البنات لبستوهم لحاف مش هتسكتوا برده ده بقي طبعا فيكم وبعدين تفسر بايه المعكسات الا بتحصل للمنتقبات انتم مش لقين حجه تبرروا بيها افعلهم بس فعلا البنات بقي لبسهم غريب شويه ومسرهم يندعدلوا

    ردحذف
  26. هههههههههههههههههههههههههههه
    هو انا قلتلك متدخلش
    انا شكلي هلغي التعليقات من المجهول دي عشان ابقي عارف بكلم مين :D

    علي فكرة المعاكسات ال بتحصل للمنقبات بتبقي حاجة شاذة بتحصل من فئة شاذة ومريضة من المجتمع ... وغالبا مبيكونوش شباب بيكونو رجالة كبار كمان ... بس للاسف مرضى فعلا ... وبعدين انا بحس فعلا ان موضوع المعاكسة ابتدي يندثر فعلا وقل جدا ... يعني بقي محصور علي نفس الفئة المريضة دي ...

    ردحذف
  27. لو لغيتها مش حدخل لوكنت عاوزنى ادخل

    ردحذف
  28. الموضوع اللى انتا بتتكلم فيه ده يا محمود مهم جدااا

    واسمحولى طبعا انى اقول رأى فيه

    انا شايف انى مش صح نظريه انك تقعد فى البيت فى رمضان ومتتحركش ويكون البنات ولبسهم سبب من اسبابك

    الفساد والموضوه انتشرت جدا فى الزمن ده والاكتريه بقت تجيب اللبس وتلبسو من غير ما تراعى ده مناسب ليها ولدينها وتربيتها ولا لا

    الواحد بيعمل اللى عليه وبينصح ولو محصلش ان حد استمع لكلامنا خلاص امرهم مفوض لربنا وهو اللى هيرحمنا منهم

    لاكن ده مش معنااه اننا نقعد فى البيت ونحط ايدنا على خدنا ونتقوقع زى منتا بتقول

    انتا تنزل تعمل اللى عليك لو وراك مشوار تروحو لو وراك شغل تروحو ومينفعش تفضل قاعد وتقول بغض نظرى من اللى مضيعين النااس

    معلش طولت عليكم

    وفى النهاايه ربنا يهدينا جميعاا يارب ويحسن ختامنا اجمعيين
    ويجعل الشهر المبارك اللى احنا فيه ده هدايه للجميع

    والسلام عليكم ورحمه الله وبركااته

    ردحذف
  29. اها معاكوا حق البنات بقت مستهبلة جامد ا نا عندى الواحدة متلبسش حجاب رغم انة فرض احسن من انها تلبسة منظر وخلاص وربنا يهدى الجميل

    ردحذف
  30. هههههههههههههه

    لا براحتك يا جاسوس

    ردحذف
  31. عجبني جدا الكومنت بتاعك يا سبيريت
    فعلا عندك حق

    هو طبعا السبب دة مش السبب الرئيسي للقعاد في البيت برضة

    اكيد هربا من العطش برضة

    بس فعلا عندك حق

    منورة

    ردحذف
  32. هههههههههههههههه

    حلوة ربنا يهدي الجميل دي يا اسراء

    وميهديش الوحشين يعني :D

    ردحذف
  33. هههههههههههههههههههههههههههههه غلطة مطبعية الجميع الجميع

    ردحذف
  34. وكمان بلاش تقعدولى ع الواحدة ولا علشان انا لسة جديدة

    ردحذف
  35. ايه ههههههههههه دى اللى كل شوية تكتبهالى هو كلامى فيه حاجة تضحك ولاشايفنى ارجوز قدامك :W

    ردحذف
  36. كمان انا متاكده انك عرفت انا مين فمالوش لزمة الاحراج :$

    ردحذف
  37. ههههههههههههههههههه
    كلنا جداد هنا يا اسراء
    منورة

    ردحذف
  38. لا والله انا حتي كنت فاكرك ولد في الاول
    فعلا مش عارفك

    ردحذف
  39. :)

    كل سنة وانت طيب

    ردحذف