لا بقي ... كفاية كدة ... حرام والله ...
خالد سعيد وقالوا عليه مدمن ومتحرش وسوابق ومسجل خطر وغيرو تقرير الطبيب الشرعي وقالو متهرب من الخدمة العسكرية ولغاية دلوقت محدش عارف يجيب حقه...
خالد لسة دمة مبردش ومش هيبرد لان محدش جاب حقه ... واللي قتلوه مش هيتعاقبوا ...
وجه الدور علي اخواتنا البنات ... مهو دة ال ناقص ... في بلد انعدمت فيها النخوة والرجولة ... وضاعت الاخلاق ... وسمحت النجوم والرتب علي الاكتاف ان شوية حيوانات من عديمي الرجولة يعتدو علي بنات جامعة الازهر بالزقازيق بالضرب والاهانة ...والله مكانش اعتداء عليهم قد مهو اعتداء علي شرفي وشرفك وشرف كل واحد فينا ...
سمية أشرف...(وهي أشرف منهم كلهم) ... بنت كل ذنبها انها منتمية للاخوان المسلمين ... دة لو اعتبرناه ذنب يعني ... تتضرب بالشلوت ... بالرجل في بطنها وباللكميات ... وظابط حيوان يقلع الحزام وينزل ضرب في البنات بالحزام وبالرجل ... وبعد كل دة لما تيجي الاسعاف تاخد البنت المصابة ... ياخد منهم الرخص ويمنعهم انهم ينقلو البنت للمستشفي ... دة ايه اللي بيحصل دة ... احنا لو اسرائيليين والله مهيعملو معانا كدة ...
وتتصدم لما تقرا جريدة حكومية قالبة الحقائق تماما وكاتبة ان البنات هما ال اعتدو علي الامن وحدفوهم بالحجارة كمان ... ياعيني الامن المساكين اتحدفو بالحجارة واتعوروا واوا وهما واقفين ساكتين مبيعملوش حاجة ...
ادي الخبر من جريدة المساء المبجلة :
http://amc.amiral.com/almessa2010/index.php?c=html/main/articleDetails&article_id=636
http://amc.amiral.com/almessa2010/index.php?c=html/main/articleDetails&article_id=636
وادي صورة الخبر منشورة برضة في جريدة المساء
لكن علي الجانب الاخر الخبر منشور في المصري اليوم بصورة مخالفة تماما :
ودة مقال عن الحادثة في مدونة واحد من الاخوان :
المفاجأة جت من موقع مصراوي ... اللي نشر الخبر مصحوبا بفيديوهات مؤكدة لكذب ادعاءات المساء :
والفيديو اهو لسمية بتحكي بعد الاعتداء ... ومنع الامن لعربية الاسعاف انها تنقل سمية للمستشفي !!!
جمد قلبك بقي ... انا عن نفسي مقدرتش امسك نفسي ولا دموعي ... فيديو الاعتداء نفسة :
انا بجد مقدرتش امسك نفسي ... حسيت بذل رهيب ... انا طالب في جامعة الازهر ... واختي طالبة في الازهر ... السنة الجاية هتبقي في الجامعة برضة ... هتتعرض لحاجة زي دي ... هرضاها ... هقبل بيها ... طب دي اختك انت ... قولي هتعمل ايه لو حصل معاها كدة ... سؤال لكل واحد فينا ... ؟؟؟
والله العظيم حرام ... حسبي الله ونعم الوكيل ... انا مش اخوان ولا انا كفاية ولا 6 ابريل ولا ليا اي نشاط سياسي بس بجد كفاية ... حرام ... هنفضل ساكتين كدة لحد امتي !!!
هيقولوا عليها ايه المرادي ... كان معاها لفافة فيها نبات اخضر اتضح انه نبات البانجو ... ولا هيقولو عليها ...
جاسوسة ولا ارهابية ولا هيقولو ايه المرادي !!!
مش هي لوحدها هي وكل البنات ال تم الاعتداء عليهم في الفيديو المنشور :(
امبارح كان خالد ... والنهاردة سمية ... بكرة أنا ... وانـــــــــت .
رابط صفحة كلنا سمية أشرف علي الفيس بوك
ياريت ننشرها ونساعدهم ... ونفسي مرة واحدة ... منسكتش علي حقنا :(
محمود أنور
بجد مبقتش عيشة مبقتش بلد مبقتش اى حاجة
ردحذفربنا يستر على بناتنا ويكون فى عونك ياسمية
والله حرام
ردحذفبقينا ف بلد يحصل فيها الغلط من الحيوانات وقدامنا وعينى عينك وينزل الخبر ف الجرايد الحكومية تببرر وتقلب الحقايق
حرااااااااام
الانضمام لجماعة محددة مش جريمة عشان يعملو فيهم كدا
دا غير انهم بنااااااااااات دول تعدو حدودهم اووووووى وحط تحت اوى 100 خط
يارب امتى بقى نترحم من النظام الغبى دا
حسبى الله ونعم الوكيل
كلنا خالد سعيد .. كلنا سميه اشرف......كلنا شعب مات اكلينيكيا من زمان ..... تقرير الوفاه اصله شعب قليل الادب مالاقاش حد يربيه
ردحذفوتكلفت مجره البلطجه بتربيه الشعب ...كان الله فى العون
يا خوفى البيدج الجايه تكون باسمى واسمك .... :(:(
إن كانوا زعلانين من (الإسلام هو الحل)يبقى ايه ؟ الحزب الوطني هو الحل ؟ ولا السفالة والبلطجة هي الحل ولا ايه؟؟؟؟؟؟؟؟؟
ردحذفوواجعين دماغنا بلا لحومان الفتيات من التعليم
ردحذفمبيروحوا يتعلموا يتبهدلوا نعلمهم ليه ولا الشعارات دي في دولة تانية؟
حسبي الله ونعم الوكيل
ردحذفMay Allah always protect her and all of our brother n sisters in Islam..amin
ردحذفHasbunallah wa ni'mal wakil
gameel ya ma7mod enak bet3abar 3n ely gewak be lesanak we dah ad3af el eiman ... enta 3amalt 7aga we ana ba3mel we yareet kolna neb2a keda 7ata wa law be ad3af el 2eman ...
ردحذفخالد سعيد لسه لحد دلوقتى اللى قتلوه متعاقبوش!!!!!!!!!!!!!!!!؟
ردحذفطب وبالنسبة للبنات دى
هو احنا منعرفش نعمل حاجة؟
مينقعش ننزل كلنا نربيهم ونحقق كلام المسا بدل ماتدخل النار فكدبه بسيطه زى دى؟!
خالد سعيد رد الفعل عليه مكانش بارد زى اللى حاصل مع الموقف دا يا محمود!
كل نشاطاتنا مش اكتر من بوست او شير للفيديو! هنتحرك امتى؟!!!
مش عارف
ردحذفمش عارف اي حاجة
مش عارف ارد ولا اقول ايه
حسبنا الله ونعم الوكيل