الأحد، 8 أغسطس 2010

اوووعى تـفـــــــكـر

هو دة الحل لكل مشاكلنا في البلد دي ... اصل كل الواحد ميفكر في حاجة يتخنق ويتشل ... ومشكلتي الازلية اني دائم التفكير
كل ملاقي وقت فاضي اقعد افكر ... والحمد لله الاوقات الفاضية بالنسبالي مفيش اكتر منها ... خصوصا وقت المواصلات اليومي اللي بيتجاوز الاربع ساعات اتنين رايح واتنين جي
والمواصلات بالذات بقي بالنسبالي بيئة مشجعة جدا للتفكير وخصوصا المكروباص حبيب قلبي
تخيل كدة انك تفضل قاعد في المكروباص المصون من حلوان لحد متوصل عباس العقاد لمدة تصل الي الساعه مبتعملش اي حاجة غير انك تفكر لحد مدماغك تبقلل من التفكير
للاسف انا معظم افكاري ذكريات من الماضي ... ومعظمها يإما ذكريات سودة ... يإما ذكريات بمبي وقلبت باسود ومهبب في الاخر ...
عشان كدة قررت مفكرش في الماضي لان التفكير في الماضي بيخنقني
وبدأت افكر في الحاضر ... يادي النيلة بتخنق برضة ... هو في ايه عدل دلوقت ... تيتيت تيتيت ... استنو استنو جالي مسج ...برب :D
يادي فودافون ... لازم تحرقو دمي ... خلاص عرفت ان اخر عربية ميني كوبر واخر سحب واخر زفت ... ال يعني انا اللي انتو مستنيينو عشان يكسبها
دة انا اكبر حاجة كسبتها في حياتي كانت ازازة ريحة ب10 جنيه واتكسرت :(
المهم نرجع لمرجوعنا التفكير في الحاضر ... ماشاء الله بلدنا بتتقدم بينا ... وجمال هيبقي الريس ... وبيدو فرصة للشباب اهو هنبقي رؤساء ووزرا وحرامية كبار قريب وهننهب البلد زي الناس الكبيرة معملت :D
بذمتكو مش اخبار تفتح النفس ... لا وايه مصر بعتت طيارتين اغاثة لباكستان عشان تساعدها ضد الفياضانات ... الظاهر معندهمش خلفية ان مصر محتاجة تلاتين طيارة عشان يغيثو المنكوبين ورا ماسبيرو والغرقانين في فيضانات الصرف الصحي في المناطق الشعبية النائية بالقاهرة :D
وكل شوية البورصة تطلع البورصة تنزل والسكر يغلي واللحمة تغلي والمواصلات تغلي 
اموت واعرف ليه المرتبات مبتزيدش زي الاكل ... وياتري فلوس الحاجة ال غليت دي بتروح فين ... طب بلاش افكر في الحاضر ... انا ماشاء الله باشمهندس قد الدونيا ... خليني افكر في المستقبل شوية ... بيقولو قدامي مستقبل مشرق ... يعني خلاص كلها سنة واتخرج ... واخش الجيش غالبا هلبس تلات سنين ماشاء الله اخرج من الجيش عندي 26 سنة ... وابقي حديث تخرج عندي 26 سنة اشتغل ب 1000 جنيه في الشهر المفروض اني احضر دراسات بيهم واتجوز بيهم واروح الشغل بيهم ... ايه الهنا دة كلة ... يا تري مكروباص حلوان مدينة نصر هيفضل ب 3 جنيه بس ... اكيد ساعتها هيبقي بخمسة ... يعني الالف جنيه حتي مش هيكفوني مواصلات ... الواحد حتي لو حاول يعمل شوية حجات من الحجات دي في ايام الرخص ( ال هما اليومين دول ) ... ايوة رخص طبعا امال ايه ... انت لسة شفت حاجة ... هحكيلكو بعدين ايه الحجات ال حاولت اعملها في ايام الرخص ومعرفتش برضة :(
ييييييييييييييييه مسز تاني برب :$
الظاهر صحابي انقرضو محدش بيبعتلي رسايل غير فودافون
انا بفكر ابعتلهم رسايل اعيد عليهم بمناسبة رمضان ...
افكر اييييييييييه انا مش هفكر تاني خلااااااااااااااااااص


محمود أنور

هناك 42 تعليقًا:

  1. انت ايه اللي خلاك تفكر وتكت الموضوع ده اساسا
    وبعدين انت مالك جمال يبقى رئيس الجمهورية ولا رئيس الخدم >> انت ملكش دعوة بحاجة زي كده اللي هايجي تقوله حاضر
    ثم زعلان اننا بعتنا طيارتين لجنوب افريقيا عشان ننقذهم من الحريق اللي هم فيه .. اخص عليك .. مش كفاية اتحرقوا

    وبعدين مين قالك ان الميكروباص هيبقى ب5 جنيه .. طبعا مش هيغلى
    هم اكيد هيلغوه

    ردحذف
  2. مين قالك اني زعلان دة انا سعيد جدااااااااااااااا

    يللا احسن برضة عشان الزحمة

    غير معرف اهو

    اصبطحنا بالمخبرين :D

    ردحذف
  3. حلوووو اوووي بدايه موفقه استمررررررررر

    ردحذف
  4. متشكر جدا يا افنان

    نورتي البلوج

    ردحذف
  5. يعني شغّال يا حوكا بس انت مشتت فالـ كتابة .. يعني عايز تكتب كل حاجة فتفس الموضوع .. حاول تركز شوية يا بيه :P




    رمضان مـُـباركـ عليك .. وحوي يا حوكا :D

    ردحذف
  6. مساءو دماغ عالية
    توهتني معاك يا عم محمود
    بالزمة ينفع اللي بتعمله ده ...! هه؟!!

    وبعدين مين قال لك تفكر أساسا .. لغوا التفكير من زمان
    ساقية الصاوي بس هي اللي لسه بتدعو للتفكير وقال ايه عاملين حملة اسمها (let me think) .. ياكش فاكرين هيحوق فينا حاجة
    ما علينا

    مساءك أخر حلاوة
    دوس يا معلم

    ردحذف
  7. جااااااامد يا محموووووووووود البلوج جامدة مبروك ليك انت ولولو;)

    ردحذف
  8. فكرة لطيفة بس ليه كل ده
    لو على المسجات انا ممكن ابعتلك مسج بدل الحرمان اللى انت عايش فيه ده
    وهو كله بثوابه برده
    ان شاء الله الدنيا تتعدل للاحسن
    بلاش نظرة التشاؤم دى :)

    ردحذف
  9. هههههههههههههه الاول يا ريت ال غير معرفين دول يعرفونا هما مين :D

    ثانيا هرد بالترتيب بقي

    التشتت كان هدف في حد ذاتة عشان دي الحالة الفعلية ال عايز اعبر عنها
    كمان البوست دي بوست المقدمة في البلوج والمواضيع ال انا شتتكو فيها دي هي ال هتكلم فيها بعد كدة ان شاء الله بتوسع اكتر


    @ضحي
    هههههههههههه مهو لازم تتوهي منا اصلا تايه
    ياريت يا ضحي لما الناس ال بيفكرو في ساقية الصاوي يتجننو ابقي عرفيني :D

    @ بسمة

    ربنا يخليكي يا بسمة نوووووووورتي

    الله يبارك فيكي

    @غير معرف 2

    ربنا يخليك يا رب اهو رمضان داخل ومحدش عبرني بمسج
    ابعت ينوبك ثواب :D

    بس انت مين الاول


    كل سنة وانتو طيبييييييييييييييييييييييييين :D

    ردحذف
  10. مش شايف انك نظرتك سوداويه شويه
    شويه ايه دي خااااالص
    لا طبعا خف شويه
    هو اي نعم اللي حوالينا مش مشجع خالص
    اعمل انت ياسيدي اللي يشجعك
    بس علي فكره
    مجرد تفكيرك انك تكتب حاجه زي كدا حاجه تفكرك بحاجه تفكرنا بيها ان برضو في حاجه حلوه في بلدانا
    D:
    عيش ياحودا
    سودها اكتر سودهاااااااا

    ردحذف
  11. ههههههههههههههه

    انت لسة شفتي حاجة :D

    الاسود لسة ورا

    ردحذف
  12. يخربيت اللي عايز يخليك متفائل
    يابني فتحها شويه

    ردحذف
  13. هههههههههههههههههههههه

    والله نفسي تفتح :)

    ردحذف
  14. ماهي عمرها ماهتفتح طول ماحنا مسودنها
    هي هاتفته بينا عشان تبقي لينا

    ردحذف
  15. فضفضة بريئة تفتح النفس :D

    ردحذف
  16. تصدق فيه تناقض
    بين البوست بتاعي
    وبوست بتاعك

    شكلها هاتحلووووو

    ردحذف
  17. هههههههههههههههههه
    مهي سودة لوحدها مش احنا مسودينها يا زهرة

    ردحذف
  18. مين الجاسوس دة كمان :D

    ردحذف
  19. هههههههههههههههههه

    مش قلتلك فاجئتيني يا الاء

    ردحذف
  20. السلام عليكم جميعا

    والله انا ليه راي بس ياريت يعجبكوا
    هوه يا (محمود) اكيد فيه خير ولازم هيستمر
    لان الحديث بيقول (الخيرفي وفي امتي الي يوم الدين)
    ولاو اني مش فاكر النص بالضبط ... عموما

    المفيد ان لو انت متوكل علي الله وبتحاول تعمل اللي
    عليك هتلاقي اللي يساعدك علشان تعمله المهم نحاول نبتغي وجه ربنا في كل شئ بنعمله وان شاء ربنا هيوقفلنا اللي يساعدنا

    وكل سنة وانتم طيببببببببببببببببين

    ردحذف
  21. محنا متوكلين يا مصطفي

    بس هنعمل ايه ولا ايه

    دة البلد دي عايزة ثورة والله

    ربنا يهدي

    ردحذف
  22. كل واحد عليه بنفسه يابني

    ردحذف
  23. أنا الجاسوس :D

    ردحذف
  24. مش لما انت تبعت الاول مسج
    يلا كل سنة وانت طيب يابشمهندس ان شاء الله محد حوش اى خدمه :)
    رمضان كريم
    والسنة الجاية تكون خلصت كلية وشوفت حياتك :)

    ردحذف
  25. انهي جاسوس بالضبط يا حودة :D

    ردحذف
  26. ههههههههههه هبعتلك حاضر يا غير معرف ... بس قولي انت مين الاول وانا ابعتلك فورا :D

    ردحذف
  27. بص يا حودة
    كبر دماغك لحد ماتعرفش تقلع التي شيرت
    وسلام سلام لبلد الكلام

    معكم على الهواء مباشرة هدير زهدي
    وعيش كول تعيش مستور

    ردحذف
  28. ههههههههههههههههههههههه
    منا كبرتها وقلت مش هفكر تاني خلاص يا هدير

    ردحذف
  29. انا اللهو الخفى;)
    مابعتش ليه بقى ;)

    ردحذف
  30. قال مش حتفكر تانى ابقى قابلنى :)
    وبهديلك اغنية احساس فظيع ................ لحماقى الجديد
    ابقى اسمعها وقولى رايك :)

    ردحذف
  31. ههههههههههههههههههه

    مين اللهو الخفي يعني

    ومين الغير معرف التاني دة كمان

    متلخبطونيش بقي انا مصدقت عقلت

    ردحذف
  32. مش انت عاوز تعرف الغير معرف هو اللهو الخفى وعقلت ازاى بقى ؟

    ردحذف
  33. هههههههههههههههههه

    انت مين ياااااااااض :D

    ردحذف
  34. Ana 3andy b2a ta3lee2 so3'yar hena ya mahmoud enak momken temna3 tafkerak aw enak tefkar fe 7agah 3an tare2 enak tesh3'el wa2tak sa7 ya3ny belnesbah lel s3ah ely enta bet23odha fe elmwaslat w betb2a fatret tafkeer feha 7awel te2rah feha 2oran mathlan w be kedah tekon est3'let elftrah deh fe 7agah mofedah w b3ed benfsak 3an eltafker ely la hywady wala yegb w ely howa a7yan bykon mad5al lelshetan kaman w sebha 3ala allah w tawakal 3aleh w ISA mesrha terooo2 w TE7la yabo ANWAr wala eha :)

    ردحذف
  35. هههههههههههههههه

    حلوة ابو انور منك يا بشمهندسة :]

    انا فعلا بحاول اعمل زي مبتقولي
    وسعات كتير بينجح
    وسعات اكتر وانا بقرا او بسمع لنفسي بسرح وبفكر برضة

    مفيش فايدة يعني :D

    ردحذف
  36. انامش ياض ومش تقول عليا كده انا مش حدخل تانى خليك لوحدك كده :p

    ردحذف
  37. :-w

    انت مين ياااااااض :p

    ردحذف
  38. هههههههههه

    جامد جدا حديثك عن رسايل فودافون دى

    الواحد قاعد فى امان الله والصمت الحالك

    وفجأه يسمع رساله بتخبط على موبايلو يجرى ويفرح ويزقطط وفجأه نلاقى فودافون تقول عميلنا العزيز

    الله يخرم جيوبكم خلاص فهمنا عروضكم والعربيات السيس اللى عليها سحب !!!


    محمود .... فرفش ورووق وبلاش التشاؤم والحزن ده محدش واخد منها حاجه

    وكلو بياخد نصيبو ورزقو اللى ربنا كتبهووولو

    نصيحه منى ليك
    .....

    استغل الشهر المبارك وربك الكريم ادعيه وهو هيستجيب ليك

    صلى التراويح كده بقلبك وادعى ربنا فى الصلاه الجمييله دى انو يكرمك ويهديك للطريق الصح

    اعمل اللى عليك وربنا هيكرمك وهيقدملك الخيررر متستعجلش كلو بأوانووو يا بشمهندس ^__^



    يلا اتمسو بالخير بقا


    وبالتوفييييييييييق للجميع

    ردحذف
  39. الحياه بقى لونها بمبى وانا جنبك وانت جدنبى انا بقعد افكر ياخويا بقه واحلم امتى هشترى عربيه ان شالله تكون صناعة هنود حمر بس اركبها واسوق واشغل انغام واعيش المهم تكون مكيفه وايه كمان ياخويا بحلم باليوم الى اخد فيه الدكتوراه بس بقه ايه ازمتى زمان كطنت متخيله المليون جنيه يعملو حاجه حاليا عماله افكر ياترى هجمع المليار ازاى عايبزة ابنى مستقبلى ياجدعان ده دى
    مليش دعوه ببقيت المقال انا غير انك كسبت ازازة ريحه دى شوف انا اكبر حاجه كسبتها كان باكو شمعدنان ايام مكان ب15 قرش كمان
    كانت معكم ام احمد ههههههههه

    ردحذف
  40. اه صحيح انت زعلان ان جمال هيبقى الريس ده جمال حبيب الملايين الى اكل وشبع الجعانيين ده متعلق فالشوارع كده علفكره وتحيا الامه العربيه

    ردحذف
  41. انت من زمان وانت متشائم كده !!!؟


    ياربناااااااااااااااااا

    ردحذف