الخميس، 19 أغسطس 2010

كـركبة دماغ


يووووه
وبعدين بقى ف الزحمه دي
كل ماأمشي ف حته ألاقي زحمه وكركبه كده
مش عارفه أمشي ولا أتنفس ولا أعمل حاجه يااااااا بشر

طبعا أنا مش قصدي زحمة السير إللي موجوده ف الشوارع
ولا قصدي كركبة موجوده ف الآوضه أو غيره

بتكلم عن زحمه وكركبه جوا الدماغ
ومش معنى كده إن من كتر ما بنعمل حاجات كتير يبقى فيه كركبه وزحمه
لا .. ده فيه ناس فاضيه "زي حالاتي كده" عندهم المشكله دي

أيوا والله .. فاضيين ودماغهم متكركبه
كل ما آجي أعمل حاجه .. ألاقي كركبه أتكعبل فيها
أروح يمين ألاقيها .. أروح شمال ألاقيها
أجي أكتب .. آلاقي زحمه ودوشه وتتـوه مني الآفكار
أجي أدندن كده مع نفسي .. الكلام يهرب مني
آجي أرسم .. ألاقيني مش عارفه أركز وتطلع وحشه .. وأرسم وأمسح وأرسم وأمسح

أووووف بقى .. اتخنقت
أنا لازم أعمل حاجه ف الحكايه دي

قررت أفوكس كده وأهدى شويه
وأبدأ أشوف إيه إللي المفروض يترمى ف الزباله وسط الزحمه دي
وبعدها أكنس أرضية دماغي من الشوائب إللي شكلها وحش
وف الآخر أنفض كل العفره والتراب إللي مالوش لازمه ده
وأشيل بيوت العناكب إللي عششت على حاجات كان لازم تطلع برا من زمان

وأبدأ بقى أرتب كل الآفكار ف ركن
والآهداف ف ركن
والإهتمامات ف ركن
وكل حاجه بقى تاخد ركنها المظبوط

وأفتح بقى الشباك إللي بقاله سنين مقفول ده
عشان الهوا النضيف يدخل
والشمس إللي طول عمري مابحبهاش
تدخل وتموت كل المكروبات دي

آلاء حلمي

هناك 24 تعليقًا:

  1. وأفتح بقى الشباك إللي بقاله سنين مقفول ده
    عشان الهوا النضيف يدخل
    والشمس إللي طول عمري مابحبهاش
    تدخل وتموت كل المكروبات دي

    جميله والله يا لوولو
    واهم حاجه في روح تفاؤل وامل
    وعدم استسلام للواقع والكركبه

    ردحذف
  2. أيواااا طبعا
    هو أينعم هافضل برضو ف الضل عشان انا مابحبهاش
    بس هاسيب النور يدخل شويه

    ردحذف
  3. وأفتح بقى الشباك إللي بقاله سنين مقفول ده
    عشان الهوا النضيف يدخل
    والشمس إللي طول عمري مابحبهاش
    تدخل وتموت كل المكروبات دي

    يااااااااااااااه جميل قوى الموضوع والفكرة وخاصة الجزء اللى فات ده

    سيرى يا بنتى على بركة الله :))

    ردحذف
  4. لا أنا مش هاسير أوي يعني يا بسبوسه
    عشان كده انا حاسه اني هادخل ف تنمية بشريه
    وانا ماعنديش خبره ف المواضيع دي

    ردحذف
  5. صح كده..... أنشري المقال على قد ما تقدري

    ردحذف
  6. (العارف لا يعرف يا أختي)

    ردحذف
  7. جميلة بجد تسلم ايدك

    كلنا محتاجين نفضى الكركبة اللى ف دماغنا دى ويا حبذا لو بمكنسة كهربية :D

    ونفتح بقى البلكونة مش الشباك

    ردحذف
  8. ماااااشي يا "عارف" ... شكرررا على تعليقك

    ردحذف
  9. مش هاتفرق نوع المكنسه يا محمود
    المهم لازم تنضف الكركبه دي

    ردحذف
  10. والله انا كمان نفسي اعمل كده يا الاء

    ردحذف
  11. وأفتح بقى الشباك إللي بقاله سنين مقفول ده
    عشان الهوا النضيف يدخل
    والشمس إللي طول عمري مابحبهاش
    تدخل وتموت كل المكروبات دي


    الكم سطر دول .. جبابرة !

    وداعــًا لكركباتِك،
    وكركباتى .

    :) :)

    ردحذف
  12. اوقات كتيييييييييييييييير بنهرب من حاجه جوانا عشان نلاقي حاجه تانيه اصعب من ال الحاجه ال كنا عايشنها

    ردحذف
  13. أيواااا بقى يامهدي ....
    وداعاً للآبد
    إرمي ف الزباله وماتبصش فيها

    ردحذف
  14. تصدقى يا بت يا لولو اول مرة اعرف ان ترويق البيت حاجة سهلة اوى كدا؟!
    لما جيت اتخيل ازاى هتعمل اللى قولتى عليه دا
    تكنسى ارضية دماغك
    وترمى حاجات كانت لازم تخرج برا من زمان
    يااااااااااااه
    الموضوع صعب اوى!
    ربنا يقدرك

    ردحذف
  15. ترويق البيت .. !! أه وماله يا بوصي
    ربنا يقدنا جميعا

    ردحذف
  16. ممممممممممم

    بقى انا اجي ادخل مدونتي من لاب توب تاني واكتب في جوجل كركبة دماغ اقوم الاقيكي جايبه سيرتي كده

    تؤ تؤ اخص عليكي ده احنا في رمضان

    طبعا كل اللي فات ده هلس وعك وخلاص

    اللي بجد بقى

    انك جبتي سيرتي بحاجه حلوة

    وعبرتي عني بمعنى اصح

    تصدقي لو عايزة اكتب تعريف ليا هاخد البوست بتاعك

    فعلا تسلم الايادي

    عجبني الكلام

    وكل سنه وانتي طيبه

    رمضان كريم يا بنوته

    ردحذف
  17. لطيف لطيف

    ردحذف
  18. البوست تحت أمرك ف أي وقت يا "كركبة دماغ" انتي

    ردحذف
  19. جممممممممممممممممممممممممممدة يا الاء

    البوست دي معدية

    عجباني اووووي

    قريتها وانا في مطروح ومعرفتش ارد عليكي من الموبايل

    واول حاجة عملتها لما فتحت الجهاز في البيت اني ارد عليكي
    بجد بجد
    تسلم ايديكي

    ردحذف
  20. شكرررررررررا يا محمووود
    ده من بعض ماعندكم
    تسلم يارب
    :)

    ردحذف
  21. فعلا بوست جامد جدااا

    وطريقه تعبيرك وفكرتو جامده اخر حاجه

    تسلمى يا لؤلؤ

    ردحذف
  22. تسلمي انتي يا يويو

    ردحذف