الجمعة، 10 سبتمبر 2010

هابي عيــــد عليكو بقى


كنت لسه ماشيه في الشارع أنا و أختي
لقينا المدعوء إللي إسمه "توك توك" ده
معدي جنبينا ومشغل الاستريو عالي جداً

أختي بصت باستغراب .. لحقتها قبل ماتتكلم
وقولت : رمضان خلص بقى .. كل سنه وإنتي طيبه
وقبل ما ترد عليا .. كملت كلامي ليها
وقولتلها : كائن معندوش ودان راكب دي جي متنقل
فـ ضحكنا وسكتنا


بمناسبة الموقف ده ... حضرني كل المواقف بقى
اللي ممكن الواحد يلاحظها بمنتهى السهوله
المواقف اللي بتجسد الفرق الواضح بين رمضان وبعد رمضان

من ضمن المواقف اللي افتكرتها
الصفوف الشبابيه اللي بشوفها بعد صلاة العيد ف الخلاء
رايحين الخلاء عشان يشوفوا البنات ويعاكسوهم
آه وحياة ربنا .. حاجه بايخه اوي

المهم ... ده مش موضوعي
عشان مابحبش أتكلم ف موضوع مابيجيبش همه

الكلام اللي هاقوله دلوقتي ده هو اللي هايحسسكوا بالعيد فعلا
شوية ملاحظات .. فيه ناس بتكبر دماغها منها
بتبدأ من ليلة العيد
أنا عن نفسي طول الليل والنهار بكون مشغله أغنية الست : يا ليلة العيد
وأساسي البلالين كماااان .. إللي بتتـنفخ وتتفرقع بعد مابتتربط

بالنسبه للصبح بقى
اللي ينام ده ويضيع عليه الصلاه ف الخلاء
يبقى ضيع عليه العيد
لان الآيام دي ماعادش الواحد بيحس بالعيد غير ف الصلاه
خصلت الصلاه .. خلص العيد

وبالذات اللي بيناموا دول .. بيكسلوا باقي اليوم ينزلوا
وبيستنوا الناس هما اللي ييجوا يعيدوا عليهم

انما اللي بينزلوا من الصبح يصلوا
بيطلعوا يعملوا جوله عائليه كامله
زي حالاتي كده
وبعد كده تنطلق إشارة الخروجات
مع الأصدقاء والاخوات والذي منه بقى

أنا عن نفسي هاموت وأروح الملاهي
بس مش هاعرف
وبما اني مش هاعرف فـ أنا قررت أوهم نفسي
أتفرج على صور للملاهي


محدش ينااااام
كله ينزل يصلي .. بس مالكوش دعوه بالصف الشبابي
وانطلقوا بقااااااااا

وكل عيـــد فطر وإنتوا حلويــــن


آلاء حلمي



هناك 10 تعليقات:

  1. كل عيد وانتى احلى يا لؤلؤتى

    ردحذف
  2. لا أنا زعلانه منك أصلاً

    ردحذف
  3. بنقول ماحدش يزعل من حد... ده عيد

    ردحذف
  4. 3ed sa3ed 3aliky ya lo2lo2 ya 7abebty
    shofy ya benty
    7awly testamte3y bel3ed dah 3ala 2ad mate2dary
    besara7a elwa7d mab2ash damn el2a3yad elgaya hategy shaklaha eh
    wkol sana el3ed bten2as far7eto 3an elsana ely 2ablo

    3ed zay elfol :*

    ردحذف
  5. ههههههههههه معاكي حق في كل الي قلتيه ياالاء ... من ضمن الحاجات الي بلاحظها من بعد رمضان كمان اول مارمضان يخلص في نفس الذات واللحظة تلاقي كمل البيوت وعلى اعلى الاصوات مشغلين اغاني كل الي قلبه يحبك بقه بجد حاجه اوفر :) المهم كل سنه وانت طيبه يالوئــــــــــة وعيد سعيد عليكي وعلى عائلتك كلها يارب

    ردحذف
  6. هاله...
    معاكي حق جداً
    فرحته بتنقص فعلاً

    كل سنه وانتي طيبه بقى

    ردحذف
  7. آلاء...
    وانتي طيبه يارب
    وعيد حلو عليكي وعلى الأسره

    ردحذف